Óskemen qalasynda koronavirýsqa qarsy ekpe saldyrǵandar arasynda kólik oinatyldy, dep habarlaidy QazAqparat.
Qala basshysy Jaqsylyq Omar vaktsina alǵandar arasyndaǵy utys oiynynyń jeńimpazyna avtokólik kiltin tabys etti.
«Qaýipti dertti jeńýdiń birden bir joly – vaktsina. Búgingi tańda Óskemen halqy arasynda ekpe saldyrǵandar az emes. Olardyń sanyn odan saiyn kóbeitý maqsatynda lotereia uiymdastyrdyq», - dedi ol.
Chevrolet Nexia avtokóliginiń utys oiyny 5 qyrkúiekte ótti. Oǵan 30 myńǵa jýyq turǵyn qatysqan. Barlyq protsessti qoǵamdyq komissiia baqylady. Jeńimpaz atanǵan Nadejda Miasoed №36 mektepte vahter bolyp jumys isteidi. Áiel adam óz sózinde jeńimpaz bolatynyna senbegenin, kólik júrgize almaitynyn jetkizdi.
«Shynymdy aitsam, osyǵan deiin mundai lotereialarda jeńimpaz bolyp kórmeppin. Qýanyshymda shek joq! Sý jańa avtokólikti ulyma berdim. Ózim Spýtnik V vaktsinasynyń eki komponentin de aldym. Eshqandai jaǵymsyz áserler bolmady», - deidi qala turǵyny.
