Shyǵys Qazaqstanda úiinen qashqan jetkinshek qyz Almatyda turmysqa shyǵyp ketken, dep habarlaidy QazAqparat.
Oblystyq PD baspasóz qyzmeti málim etkendei, Óskemende 48 jastaǵy áiel qyrkúiekte qalalyq politsiia basqarmasyna habarlasyp, kámeletke tolmaǵan qyzynyń joǵalǵanyn jetkizgen.
Onyń 8-synypta oqityn qyzy maýsym aiynyń sońynda úiden ketip qalǵan. Áiel qyzdy Almatydan taýyp, úiine alyp kelýge bel býǵan.
Qaladan shyǵar aldynda janarmai beketine toqtaǵan sátte onyń qyzy qaitadan qashyp ketken.
19 qyrkúiekte jedel-izdestirý sharalaryn júrgizý barysynda ShQO PD kriminaldyq politsiia qyzmetkerleri Almatydan jasóspirim qyzdy tapqan.
Onymen sóilesken jedel ýákilder onyń úiden óz erkimen ketkenin anyqtaǵan.
Ol Almatyda ómir súrgisi kelip, syǵandar dástúri boiynsha turmysqa shyǵyp ketken. Tártip saqshylary ony ata-anasynyń úiine qaitardy.
Osy qyrkúiekte politsiia taǵy bir kámeletke tolmaǵan adamdy tapty.
Tamyz aiynda Semei qalasynyń politsiia basqarmasyna 20 jastaǵy jas jigit 17 jastaǵy qaryndasy 17 tamyz kúni tańerteń úiden shyǵyp, sodan keiin oralmaǵanyn habarlaǵan.
Qyzdyń qaltasyndaǵy uialy telefon sóndirýli bolǵan.
20 qyrkúiek kúni kriminaldyq politsiia qyzmetkerleri ony Nur-Sultan qalasynan tapty. Boijetken jumysqa ornalasýǵa niettenip júrgen.
