شىعىس قازاقستاندا ٷيٸنەن قاشقان جەتكٸنشەك قىز الماتىدا تۇرمىسقا شىعىپ كەتكەن, دەپ حابارلايدى قازاقپارات.
وبلىستىق پد باسپاسٶز قىزمەتٸ مەلٸم ەتكەندەي, ٶسكەمەندە 48 جاستاعى ەيەل قىركٷيەكتە قالالىق پوليتسييا باسقارماسىنا حابارلاسىپ, كەمەلەتكە تولماعان قىزىنىڭ جوعالعانىن جەتكٸزگەن.
ونىڭ 8-سىنىپتا وقيتىن قىزى ماۋسىم ايىنىڭ سوڭىندا ٷيدەن كەتٸپ قالعان. ەيەل قىزدى الماتىدان تاۋىپ, ٷيٸنە الىپ كەلۋگە بەل بۋعان.
قالادان شىعار الدىندا جانارماي بەكەتٸنە توقتاعان سەتتە ونىڭ قىزى قايتادان قاشىپ كەتكەن.
19 قىركٷيەكتە جەدەل-ٸزدەستٸرۋ شارالارىن جٷرگٸزۋ بارىسىندا شقو پد كريمينالدىق پوليتسييا قىزمەتكەرلەرٸ الماتىدان جاسٶسپٸرٸم قىزدى تاپقان.
ونىمەن سٶيلەسكەن جەدەل ۋەكٸلدەر ونىڭ ٷيدەن ٶز ەركٸمەن كەتكەنٸن انىقتاعان.
ول الماتىدا ٶمٸر سٷرگٸسٸ كەلٸپ, سىعاندار دەستٷرٸ بويىنشا تۇرمىسقا شىعىپ كەتكەن. تەرتٸپ ساقشىلارى ونى اتا-اناسىنىڭ ٷيٸنە قايتاردى.
وسى قىركٷيەكتە پوليتسييا تاعى بٸر كەمەلەتكە تولماعان ادامدى تاپتى.
تامىز ايىندا سەمەي قالاسىنىڭ پوليتسييا باسقارماسىنا 20 جاستاعى جاس جٸگٸت 17 جاستاعى قارىنداسى 17 تامىز كٷنٸ تاڭەرتەڭ ٷيدەن شىعىپ, سودان كەيٸن ورالماعانىن حابارلاعان.
قىزدىڭ قالتاسىنداعى ۇيالى تەلەفون سٶندٸرۋلٸ بولعان.
20 قىركٷيەك كٷنٸ كريمينالدىق پوليتسييا قىزمەتكەرلەرٸ ونى نۇر-سۇلتان قالاسىنان تاپتى. بويجەتكەن جۇمىسقا ورنالاسۋعا نيەتتەنٸپ جٷرگەن.
