Óskemen qalasynda tramvai relsten shyǵyp ketti, dep habarlaidy "Ult aqparat".
Oqiǵa búgin tús kezinde Qazaqstan men Qabanbai batyr kósheleriniń qiylysynda oryn aldy. Aldyn ala málimet boiynsha, tramvaidyń relsten shyǵyp ketýine joldy qar basýy sebep bolýy yqtimal. Osy rette «Óskemen kólik kompaniiasy» JShS kólik júrgizýshileriniń tramvai joldaryna shyqpaýyn suraidy.
«Ókinishke qarai, kóbisi dittegen jerine jyldam jetý úshin tramvai jolyna shyǵyp ketedi. Al mundai qar kóp jaýyp jatqan kezde bul birshama qiyndyq týdyrýy múmkin», - deidi kompaniia ókilderi.
