Óskemen qalasynda «Sergek» kameralary bir aidyń ishinde 300-den astam zańbuzýshylyqty anyqtaǵan, dep habarlaidy "Ult aqparat".
«Kórkem Telekom» JShS málimetine súiensek, 1-30 qańtar aralyǵynda «Sergek» beinebaqylaý kameralary 345 zańbuzýshylyq tirkegen. Onyń ishinde 220-sy usaq buzaqylyq, 73-i qoǵamdyq oryndarda alkogoldi ishimdik ishý, 47-i jol-kólik oqiǵasy, 1-i – urlyq.
Aita ketsek, búginde oblys ortalyǵynda 1700 kamera bar. Olar jol qiylystary men jekelegen aýmaqtarda, sondai-aq saýda ortalyqtary men adam kóp shoǵyrlanatyn oryndarda ornatylǵan.
