Óskemen qalasynda órt shyqqan kópqabatty úiden 12 adam, onyń ishinde 4 bala qutqaryldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, Qaisenov kóshesindegi kópqabatty turǵyn úide órt shyqqan. Oqiǵa ornyna qutqarýshylar shuǵyl kelip jetti. Anyqtalǵandai, ot podez ishinde 3 jáne 4-qabattardaǵy elektreseptegishte shyqqan.
«Órt sóndirýshiler oqiǵa ornynan 36 adamdy, onyń ishinde 8 balany evakýatsiialady. Sondai-aq tútin tumshalaǵan podezden 12 adam qutqarylǵan. Kóp uzamai 4 sharshy metrdi sharpyǵan tilsiz jaý aýyzdyqtaldy. Órttiń shyǵý sebebi – elektr jabdyqtarynyń apattyq rejimde jumys isteýinen. Qyzyl jalyndy óshirýge jeke quramnan 23 adam men 7 tehnika jumyldyryldy», - dep habarlady vedomstvo ókilderi.
