Foto: Óskemen qalasynyń ákimdigi
Óskemen qalasynda ishinara búlingen Shnaidar kópirine tehnikalyq saraptama júrgizý úshin Almatydan mamandar shaqyryldy, dep habarlaidy qala ákimdigi.
"Bul kópirge sońǵy eki jyl ishinde jóndeý jumystary júrgizilgen. Jalpy mólsheri 600 mln teńge igerilgen. Endi kópirge tekserý júrgizemiz. Merdiger kompaniianyń kepildik mindettemeleri bar. Solardyń negizinde kópirdi qalpyna keltirý jumystary atqarylady", – dedi qala ákimi Almat Aqyshov.
Óz sózinde ol kópirdi meilinshe qysqa merzimde qalpyna keltirýge tyrysatyndyqtaryn jetkizdi.
"Bul qalanyń kólik júiesin aitarlyqtai jeńildetetin mańyzdy kópir. Sol sebepti 2-3 aidyń ishinde ony qalpyna keltirýge tyrysamyz", – dedi ákim.
Aita keteiik, keshe qalada sý shaiǵan Shnaidar kópiri jartylai qulap, jergilikti deńgeidegi tótenshe jaǵdai jariialanǵan edi. Sóitip, Úlbi ózeniniń eki jaǵalaýyn qosatyn ainalma jolmen júrý múmkin bolmai qaldy. Bul kólik qozǵalysyn aitarlyqtai qiyndatty.
