فوتو: ٶسكەمەن قالاسىنىڭ ەكٸمدٸگٸ
ٶسكەمەن قالاسىندا ٸشٸنارا بٷلٸنگەن شنايدار كٶپٸرٸنە تەحنيكالىق ساراپتاما جٷرگٸزۋ ٷشٸن الماتىدان ماماندار شاقىرىلدى, دەپ حابارلايدى قالا ەكٸمدٸگٸ.
"بۇل كٶپٸرگە سوڭعى ەكٸ جىل ٸشٸندە جٶندەۋ جۇمىستارى جٷرگٸزٸلگەن. جالپى مٶلشەرٸ 600 ملن تەڭگە يگەرٸلگەن. ەندٸ كٶپٸرگە تەكسەرۋ جٷرگٸزەمٸز. مەردٸگەر كومپانييانىڭ كەپٸلدٸك مٸندەتتەمەلەرٸ بار. سولاردىڭ نەگٸزٸندە كٶپٸردٸ قالپىنا كەلتٸرۋ جۇمىستارى اتقارىلادى", – دەدٸ قالا ەكٸمٸ المات اقىشوۆ.
ٶز سٶزٸندە ول كٶپٸردٸ مەيلٸنشە قىسقا مەرزٸمدە قالپىنا كەلتٸرۋگە تىرىساتىندىقتارىن جەتكٸزدٸ.
"بۇل قالانىڭ كٶلٸك جٷيەسٸن ايتارلىقتاي جەڭٸلدەتەتٸن ماڭىزدى كٶپٸر. سول سەبەپتٸ 2-3 ايدىڭ ٸشٸندە ونى قالپىنا كەلتٸرۋگە تىرىسامىز", – دەدٸ ەكٸم.
ايتا كەتەيٸك, كەشە قالادا سۋ شايعان شنايدار كٶپٸرٸ جارتىلاي قۇلاپ, جەرگٸلٸكتٸ دەڭگەيدەگٸ تٶتەنشە جاعداي جارييالانعان ەدٸ. سٶيتٸپ, ٷلبٸ ٶزەنٸنٸڭ ەكٸ جاعالاۋىن قوساتىن اينالما جولمەن جٷرۋ مٷمكٸن بولماي قالدى. بۇل كٶلٸك قوزعالىسىن ايتارلىقتاي قيىنداتتى.
