Óskemen qalasynda koronavirýs juqtyrǵan alǵashqy adam tirkeldi, dep habarlaidy "Ult aqparat".
ShQO Densaýlyq saqtaý basqarmasynyń basshysy Iliias Muhamedjannyń aitýynsha, juqpaly indetke 1938 jylǵy áiel adam shaldyqqan. Ol dárigerlerge 1 sáýir kúni ózi júginipti.
«Naýqas birden aýrýhanaǵa jetkizilip, rentgenologiialyq zertteýler jasaldy. Oǵan «pnevmoniia» diagnozy qoiylǵan. Patsientten koronavirýske qatysty alynǵan synama oń nátije kórsetti», - deidi ol.
Basqarma basshysynyń sózine sensek, zeinetker qańtar aiynda Reseige baryp kelgen. Qazirgi ýaqytta naýqaspen bailanysta bolǵan 198 adam anyqtalyp otyr. Olardyń barlyǵy oqshaýlandy.
Aita keteiik, osymen ShQO-da koronavirýs juqtyrǵan 3 adam tirkeldi. Buǵan deiin Mysyrdan demalystan kelgen Semei qalasynyń 2 turǵynynan virýs anyqtalǵan bolatyn.
