Óskemende "Dorojnyi kontrol" aqparat portalynyń tilshisi Anton Kniazevti uryp ketken. Bul jóninde "Ádil sóz" baspasóz qorǵaý qory habarlady.
"3 tamyzda Óskemende belgisiz bes adam "Dorojnyi kontrol" aqparat portalynyń tilshisi Anton Kniazevti uryp ketken. Bul jóninde aqparat áleýmettik jelide taraǵannan keiin Shyǵys Qazaqstan oblysy politsiia departamenti Qylmystyq kodekstiń 293-bap 2-bóligi 1-tarmaǵy boiynsha ("Buzaqylyq") sotqa deiingi tergeý amaldaryn bastaǵanyn, eki kúdikti anyqtalǵanyn jáne qajetti tergeý sharalary júrgizilip jatqanyn habarlady" dep jazylǵan qor habarlamasynda.
"Dorojnyi kontrol" portalyndaǵy aqparatqa qaraǵanda, Anton Kniazev 3 tamyzǵa qaraǵan túni qaladaǵy dúkenderdiń birinde soqqyǵa jyǵylǵan. Shabýyldaýshylar jýrnalistiń betinen uryp qana qoimai, tilshiniń kóligin de búldirgen. Jýrnalistiń shaqyrýymen oqiǵa ornyna politsiia qyzmetkerleri kelse de, "jas jigitter bilik ókilderin elemei, jýrnaliske qatysty zańǵa qaishy áreketterin jalǵastyra bergen".
Shyǵys Qazaqstan oblysy politsiia departamentiniń habarlaýynsha, oqiǵaǵa bailanysty 1994 jáne 1999 jylǵy eki jigit kúdikti retinde anyqtalǵan.
Anton Kniazev oqiǵanyń kásibi mindetine qatysy bar-joǵyn aitpaǵan.
20 shildede Atyraýda "Dorojnyi kontrol" portalynyń qyzmetkeri Olesia Vertinskaiany úiiniń mańynda uryp ketken edi. Sol kezde de politsiia oqiǵany "Buzaqylyq" baby boiynsha tergep jatqanyn málimdegen. Al jýrnalistiń ózi oqiǵany kásibi qyzmetimen bailanystyrǵan.
"Meniń oiymsha, osynyń bári qańtardaǵy meni azaptaý men Atyraýda áskeri boryshyn ótegen aqtaýlyq soldat Medet Amangeldimen bailanysty siiaqty" degen edi shilde sońynda Olesia Virtinskaia qor ókilderine.
Olesia Vertinskaia aqpan aiynda atyraýlyq "Aqjaiyq" basylymyna Qańtar oqiǵasy kezinde "kásibi mindetin atqarǵany úshin ustalǵanyn, politseilerdiń ony tergep, qoqan-loqy kórsetip, qol jumsaǵanyn" aitqan. Sol kezde onyń ústinen "beibit jiyndy ótkizý tártibin buzý" baby boiynsha ákimshilik hattama toltyrylǵan. Keiin quqyq buzý quramy bolmaǵandyqtan is toqtatylǵan.
