Óskemende býkmekerlik keńsege qaraqshylyq shabýyl jasaldy, dep habarlaidy "Ult aqparat" ShQO Politsiia departamentiniń baspasóz qyzmetine silteme jasap.
2 qyrkúiek kúni saǵat 04.36-da Óskemen qalasy politsiia departamentiniń jedel basqarý ortalyǵynyń 102 arnasyna býkmekerlik keńseniń kassirinen eki belgisiz adam qaraqshylyq shabýyl jasaǵany týraly habar tústi. Oqiǵa ornyna kelgen jedel tergeý toby saǵat 04.29 shamasynda býkmekerlik keńsege betperde men kúlápara kigen eki belgisiz adam kirip, tapanshaǵa uqsas quralmen qorqytqanyn jáne kassadan 484500 teńge tonaǵanyn anyqtady. Izdestirý sharalarynyń nátijesinde jáne beinekameralardyń kómegimen kúdiktiler qolǵa tústi. Qaraqshylardyń júrgen joly, oqiǵa ornynan qalai jasyrynǵandary túgeldei anyqtaldy.
Qazirgi tańda QR QK 192-babyna (qaraqshylyq) sáikes sotqa deiingi tergeý júrgizilip jatyr. Kúdiktiler ýaqytsha tergeý izoliatoryna qamaldy.
