Illiýstratsiialyq foto: ©Turar Qazanǵapov, Tengrinews.kz
Óskemen qalasynda túrmege laqtyrylǵan tyiym salynǵan zatty almaq bolǵan sottalǵandar saqshylarǵa qarsylyq kórsetti. Mekeme qyzmetkerleri aýaǵa birneshe ret oq atýǵa májbúr boldy, dep habarlaidy QazAqparat.
QR Ulttyq ulany «Shyǵys» óńirlik qolbasshylyǵy baspasóz qyzmetiniń málimetine súiensek, oqiǵa 14 sáýirge qaraǵan túni saǵat 00.21-shamasynda Óskemendegi №16 túzetý mekemesiniń beketteriniń birinde bolǵan.
«Belgisiz bireý qorshaýdyń arǵy jaǵynan túrme aýmaǵyna tyiym salynǵan zattardy laqtyryp jibergen. Oralǵan zat baqylaý kúzetindegi tyiym salynǵan aimaqqa tústi. Sol sátte 3 sottalǵan adam júgirip kelip, zatty alyp ketpek bolǵanda oqiǵa ornyna 6699 áskeri bóliminiń eki baqylaýshysy jedel jetip, sottalǵandardy ustai bastady. Alaida olar baqylaýshylarǵa qarsylyq kórsetken. Jaǵdai ýshyǵyp bara jatqanyn joǵaryda baiqap turǵan saqshy dereý «Toqta, artqa shegin, atamyn!» dep aiǵailap, avtomatty saqtandyrǵyshtan alyp, joǵaryǵa eskertý oǵyn atty», - deidi baspasóz qyzmetiniń bastyǵy Baǵdat Amangeldi.
Osy kezde baqylaýshylardyń biri oralǵan zatty tyiym salynǵan aimaqtan negizgi qorshaý jaqqa qarai laqtyryp jibergen.
«Sol kezde sottalǵandardyń biri ony alý úshin negizgi qorshaý aimaǵyna qarai umtylǵan. Muny syrttan baqylap turǵan saqshy aiǵailap, aspanǵa eskertý oǵyn atady. Qarýdyń dybysynan qoryqqan sottalýshy dereý artqa shegingen. Osy sátte ishki aýmaqqa júgirgen eki birdei sottalǵan da dereý ustaldy», - deidi Amangeldi.
