Óskemen qalasynda kóshelerdi qardan tazartý jumystaryn qadaǵalaý maqsatynda jedel shtab qurylǵan, – dep habarlaidy Óskemen qalasy ákimdiginiń baspasóz qyzmeti.
Óskemende sońǵy kúnderi tolassyz jaýǵan qardy tazalaýǵa tehnikalar men jumys kúshi azdyq etýde. Osyǵan orai «Shyǵys» óńirlik qolbasshylyǵynyń sarbazdary men eriktiler tartylǵan.
«Qar tazartý jumystary jáne tehnikalardyń bekitilgen marshrýtqa sai júrýi turaqty baqylaýda. Qala ákimi Jaqsylyq Omardyń tapsyrmasymen «Jańa Sogra» MKK bazasynda táýlik boiy jumys isteitin shtab quryldy. Politsiia basqarmasymen jáne barlyq jaýapty bólimdermen únemi bailanystamyz», – delingen habarlamada.
