Óskemen ákimdigi qala ataýy jazylǵan tuǵyrdaǵy qate jaily túsinik berdi, dep habarlaidy "Ult aqparat".
Sońǵy kúnderi áleýmettik jeli qoldanýshylary Óskemenge kireberiste shahar ataýy jazylǵan tuǵyrdaǵy qateni synǵa aldy. Fotosýretten kórinetindei, Óskemen ataýynan «s» árpi túsip qalyp Ókemen (Ókemen) dep jazylyp qalǵan.
Qala ákiminiń keńesshisi Álibek Tursymbetovtyń aitýynsha, bul orfografiialyq qate emes.
«Atalǵan tuǵyrdaǵy montajdaý jumystary tolyqtai aiaqtalmaǵan. Osyǵan bailanysty «s» árpi túsip qalypty. Ár árip bólek-bólek ornatylǵan bolatyn. Qazirgi ýaqytta tuǵyrdaǵy jazý túzetilgen», - dedi ol.
