«Oskar» syilyǵynyń laýreaty jáne Kann festivaliniń «Altyn palma» iegeri Jiýlet Binosh Astanaǵa keldi.
«Teatr men kino salasynyń tanymal frantsýz aktrisasy bizdiń astanamyzdy 20 jyldyq mereitoiymen quttyqtap, festival aiasynda «Des mots pour le dire» - «Júrekten shyqqan syrly sóz» atty monospektaklimen sahnaǵa shyqty. Jiýlet Binosh qazaq aqyny Qasym Amanjolovtyń «Saryarqa» atty áigili óleńin oqyp, kórermenderdi óz ónerimen tańqaldyrdy. Bul frantsýz aktrisasy men qazaq aqynynyń shyǵarmashylyǵyn unatatyndar úshin úlken tosynsyi boldy», - dep jazdy Mádeniet jáne sport ministri Arystanbek Muhamediuly Feisbýk paraqshasynda.
Sondai-aq, ministr atap ótkendei, aktrisa frantsýz ánshisi Barbara ómirbaianynan fragmentterdi oryndap, áigili aktrisany birinshi álemdik fortepiano men kameralyq mýzyka syilyǵynyń laýreaty Vinsent Leterm fortepianomen súiemeldedi.
«Jiýlet Binoshtyń pikirinshe, ol bizdiń elimiz týraly jaǵymdy áserde, ol bizdiń elimizge jáne Astananyń batyl, serpindi sáýletine tań qaldy. Aktrisa meiirimdi jáne qonaqjai Qazaqstan halqyna óte riza boldy, ol uzaq saparmen taǵy da bizdiń elge kelýge niet bildirdi. Budan basqa, Jiýlet Binosh bizdiń otandasymyz Samal Esliamovanyń úlken jetistikterimen, Kann festivalinde jeńiske jetýimen jáne táýelsiz Qazaqstannyń astanasyn mereitoiymen shyn júrekten quttyqtady», - dedi A. Muhamediuly.
Ministrdiń aitýynsha, Dúniejúzilik «Astana» teatr festivaline Astananyń 20 jyldyq mereitoiymen quttyqtaý úshin Italiia, Ulybritaniia, Litva, Polsha, Germaniiadan tanymal álemdik teatrlar keldi, ártúrli elderdiń 17 teatry 18 ataqty qoiylymdy usyndy.
«Festivaldiń saltanatty jabylýy Beibitshilik jáne Kelisim saraiynda ótti. Biz qoshtaspaimyz, bir jyldan soń osy alańda qaita kezdesemiz. Endigisi jańa úshinshi Dúniejúzilik «Astana» teatr festivalinde kezdeskenshe», - dep aiaqtady ministr.
