«وسكار» سىيلىعىنىڭ لاۋرەاتى جەنە كانن فەستيۆالٸنٸڭ «التىن پالما» يەگەرٸ جيۋلەت بينوش استاناعا كەلدٸ.
«تەاتر مەن كينو سالاسىنىڭ تانىمال فرانتسۋز اكتريساسى بٸزدٸڭ استانامىزدى 20 جىلدىق مەرەيتويىمەن قۇتتىقتاپ, فەستيۆال اياسىندا «Des mots pour le dire» - «جٷرەكتەن شىققان سىرلى سٶز» اتتى مونوسپەكتاكلٸمەن ساحناعا شىقتى. جيۋلەت بينوش قازاق اقىنى قاسىم امانجولوۆتىڭ «سارىارقا» اتتى ەيگٸلٸ ٶلەڭٸن وقىپ, كٶرەرمەندەردٸ ٶز ٶنەرٸمەن تاڭقالدىردى. بۇل فرانتسۋز اكتريساسى مەن قازاق اقىنىنىڭ شىعارماشىلىعىن ۇناتاتىندار ٷشٸن ٷلكەن توسىنسىي بولدى», - دەپ جازدى مەدەنيەت جەنە سپورت مينيسترٸ ارىستانبەك مۇحامەديۇلى فەيسبۋك پاراقشاسىندا.
سونداي-اق, مينيستر اتاپ ٶتكەندەي, اكتريسا فرانتسۋز ەنشٸسٸ باربارا ٶمٸربايانىنان فراگمەنتتەردٸ ورىنداپ, ەيگٸلٸ اكتريسانى بٸرٸنشٸ ەلەمدٸك فورتەپيانو مەن كامەرالىق مۋزىكا سىيلىعىنىڭ لاۋرەاتى ۆينسەنت لەتەرم فورتەپيانومەن سٷيەمەلدەدٸ.
«جيۋلەت بينوشتىڭ پٸكٸرٸنشە, ول بٸزدٸڭ ەلٸمٸز تۋرالى جاعىمدى ەسەردە, ول بٸزدٸڭ ەلٸمٸزگە جەنە استانانىڭ باتىل, سەرپٸندٸ سەۋلەتٸنە تاڭ قالدى. اكتريسا مەيٸرٸمدٸ جەنە قوناقجاي قازاقستان حالقىنا ٶتە ريزا بولدى, ول ۇزاق ساپارمەن تاعى دا بٸزدٸڭ ەلگە كەلۋگە نيەت بٸلدٸردٸ. بۇدان باسقا, جيۋلەت بينوش بٸزدٸڭ وتانداسىمىز سامال ەسلياموۆانىڭ ٷلكەن جەتٸستٸكتەرٸمەن, كانن فەستيۆالٸندە جەڭٸسكە جەتۋٸمەن جەنە تەۋەلسٸز قازاقستاننىڭ استاناسىن مەرەيتويىمەن شىن جٷرەكتەن قۇتتىقتادى», - دەدٸ ا. مۇحامەديۇلى.
مينيستردٸڭ ايتۋىنشا, دٷنيەجٷزٸلٸك «استانا» تەاتر فەستيۆالٸنە استانانىڭ 20 جىلدىق مەرەيتويىمەن قۇتتىقتاۋ ٷشٸن يتالييا, ۇلىبريتانييا, ليتۆا, پولشا, گەرمانييادان تانىمال ەلەمدٸك تەاترلار كەلدٸ, ەرتٷرلٸ ەلدەردٸڭ 17 تەاترى 18 اتاقتى قويىلىمدى ۇسىندى.
«فەستيۆالدٸڭ سالتاناتتى جابىلۋى بەيبٸتشٸلٸك جەنە كەلٸسٸم سارايىندا ٶتتٸ. بٸز قوشتاسپايمىز, بٸر جىلدان سوڭ وسى الاڭدا قايتا كەزدەسەمٸز. ەندٸگٸسٸ جاڭا ٷشٸنشٸ دٷنيەجٷزٸلٸك «استانا» تەاتر فەستيۆالٸندە كەزدەسكەنشە», - دەپ اياقتادى مينيستر.
