Ortalyq sailaý komissiiasy ulttyq baiqaýshylarǵa qatysty jańa talaptar qoiǵan joq. Komissiianyń búgingi otyrysynda Ortalyq sailaý komissiiasy tóraǵasynyń orynbasary Konstantin Petrov osylai dedi, dep habarlaidy "Ult aqparat" .
«Engizilgen eshbir jańalyq joq. Bári de Ortalyq sailaý komissiiasynyń qaýlylaryna negizdelgen. Shynaiy fakttar bolǵandyqtan osy qaýly (baqylaýshylardyń jumysy týraly) qabyldandy. Sebebi bizdegi úkimettik emes uiymdardyń úshten biri óz jumysyn turaqty túrde júrgizbeidi. Sailaý komissiialary olardyń qaisysy jumys isteitinin, qaisysy jumys istemeitinin teksere almaidy. Sol sebepti ulttyq baqylaýshy retinde sailaý ýchaskesine tirkelý úshin naqty qandai qujattardyń kerektigin naqtyladyq», - dep túsindirdi Konstantin Petrov.
Odan buryn zańdy tulǵalardyń jarǵysynda azamattardyń baiqaýshy bolýǵa quqyǵy bary habarlanǵan bolatyn. Azamattyq kodekstiń talaptaryna sáikes (141, 106, 107-baptar) zańdy tulǵanyń quryltai qujattarynda ony qurýdyń máni men maqsattary kórsetilýi tiis.
