Ortalyq sailaý komissiiasy tóraǵasynyń orynbasary Konstantin Petrov sailaýshylardyń tizimin ózektendirý jumysy sailaý kúnine deiin jalǵasatynyn málim etti, dep habarlaidy QazAqparat tilshisi.
«Sailaýshy sailaýshylardyń tizimine tek tiisti ýchaskede turaqty tirkeýde turǵan kezde ǵana engiziledi. Daýys berý kúni 4 701 sailaý ýchaskesinde sailaý komissiialarynyń músheleri, Tsifrlyq damý, innovatsiialar jáne aeroǵarysh ónerkásibi ministrligi eGov portaly arqyly azamattardyń qai jerde tirkeýde turǵany týraly aqparatty taratady. Qazirgi ýaqytta uiymdastyrýshylyq jáne tehnikalyq máselelerdi retteý jumystary aiaqtalyp keledi. Taiaýda ótetin otyrystardyń birinde mekenjai jónindegi rastaý málimetteri týraly tolyq baiandama beriledi», - dedi Konstantin Petrov Ortalyq sailaý komissiiasynyń onlain rejiminde ótip jatqan otyrysynda.
Onyń aitýynsha, Qazaqstanda jáne odan tys aýmaqta áskeri bólimderde, demalys úilerinde, sanatoriilerde, statsionarlyq emdik mekemelerde, alys aýyldarda, tergeý izoliatorlarynda, ýaqytsha izoliatorlarda, sheteldegi Qazaqstannyń shekaralyq mekemelerinde 555 sailaý ýchaskesi bar.
«Bul sailaý ýchaskeleri boiynsha sailaýshylardyń tizimimen sailaýshylar daýys berý kúnine bes kún qalǵanda tanysa alady. Daýys berýge bir kún qalǵanda bul tizim taǵy bir pysyqtalady. Osylaisha, sailaýshylardyń tizimin ózektendirý jumysy sailaý kúnine deiin jalǵasady, sebebi tizim barynsha shynaiy bolǵanyn qalaimyz», - dedi Konstantin Petrov.
