Ortalyq sailaý komissiiasynyń qaýlysy foto, aýdio jáne beinejazbany júrgizýge tyiym salmaidy. Alaida olardyń bári de daýys berý qupiiasyn jáne sailaýshylardyń derbes derekteriniń qorǵalýyn eskere otyryp júrgizilýi tiis ekenin eskertedi. Ortalyq sailaý komissiiasynyń múshesi Serik Sydyqov osylai dedi, dep habarlaidy "Ult aqparat".
«Foto, aýdio, beinetúsirilim baqylaýshyǵa sailaý protsesiniń barysyn obektivti baǵalaýǵa, azamattyq, qylmystyq ister jáne ákimshilik quqyq buzýshylyq týraly ister boiynsha dáleldemeler retinde paidalaný úshin yqtimal zań buzýshylyqtardy tirkeýge múmkindik beredi. Eger olar zańnamada kózdelgen talaptardy saqtai otyryp júrgizilse – ruqsat. Bul rette baiqaýshylar buzýshylyqtar týraly óz tujyrymdaryn naqty jáne tekseriletin dáleldemelerge negizdelýi tiis ekenin eskergen jón», - dedi búgingi OSK otyrysynda Serik Sydyqov.
Osylaisha, túsirilgen foto, beine, shyǵarylǵan aýdiojazbalar is-áreketterge arnaiy baǵa berýde ýákiletti organdardyń dáleli retinde paidaǵa jaraýy tiis. Eger baiqaýshy foto, aýdio, beinetúsirilimdi jariialaǵysy kelse, onda baiqaýshy QR Azamattyq kodeksiniń (145 bap) talaptaryn saqtaýy tiis.
