Ortalyq sailaý komissiiasynyń múshesi Anastasiia Shegortsova sailaý aldyndaǵy úgit-nasihat jumysy barysynda qoǵam pikirine kimder jáne qalai saýalnama júrgize alatynyn túsindirdi, dep habarlaidy QazAqparat.
«Qoǵamdyq pikirge saýalnama júrgizýdi Qazaqstan Respýblikasynyń zańnamasyna sáikes tirkelgen, qoǵamdyq saýalnama júrgizýde keminde 5 jyldyń tájiribesi bar zańdy tulǵalar júrgize alady. Olar tiisti qujattardyń kóshirmelerin qosa bere otyryp, bul týraly Ortalyq sailaý komissiiasyn jazbasha túrde aldyn ala habardar ete otyryp, júrgizýge quqyly», - dedi Anastasiia Shegortsova Ortalyq sailaý komissiiasynyń otyrysynda.
Ortalyq sailaý komissiiasyna jiberiletin habarlamada saýalnama júrgizýge qatysatyn jáne osy salada jumys tájiribesi bar mamandar týraly, qoǵamdyq saýalnama júrgiziletin óńirler, taldaý jumysynyń amaldary jaily málimetter kórsetilýi kerek.
«Qoǵamdyq saýalnamanyń nátijesin jariialaǵan BAQ sol saýalnamany júrgizgen zańdy tulǵanyń esimin, saýalnamany kim júrgizip, oǵan kimniń tapsyrys bergenin, saýalnama júrgizilgen ýaqytty, málimetterdi jinaý ádisterin, saýalnamaǵa qatysqandardyń sanyn ataý kerek», - dedi ol.
