Ortalyq sailaý komissiiasynyń múshesi Záýresh Baimoldina diplomatiialyq qyzmetke bailanysty qazir Qazaqstanda turmaityn elshi Imanǵali Tasmaǵambetov "sailaýǵa túse ala ma?" degen saýalǵa jaýap berdi, dep habarlaidy "Ult aqparat".
BAQ ókilderi Záýresh Baimoldinadan Qazaqstannyń Reseidegi elshisi Imanǵali Tasmaǵambetov kezekten tys prezident sailaýyna qatysa ala ma dep surady.
"Eger respýblikalyq qoǵamdyq birlestik onyń kandidatýrasyn usynsa, qujattaryn qaraityn bolamyz", - dedi ol OSK otyrysynan keiin.
Ol Konstitýtsiia boiynsha Qazaqstannyń ár azamaty sailaýǵa qatysýǵa nemese daýys berýge quqyly ekenin atap ótti.
"Prezidenttikke kandidattardy usyný quqyǵy respýblikalyq qoǵamdyq birlestikterge tiesili. Olar kimdi usynatynyn ózderi sheshedi. Úmitkerlerdi usyný 28 sáýir saǵat 18:00-ge deiin jalǵasady. Ortalyq sailaý komissiiasy bes kún ishinde úmitkerdiń Qazaqstan zańnamasynda kórsetilgen talaptarǵa sáikestigin anyqtaidy", - deidi ol.
Elshilerdiń sailaýǵa túsýge quqyǵy bar ma degen saýalǵa bylai dep jaýap berdi.
"Birinshiden, elshi saiasi memlekettik qyzmetshi bolyp sanalady. Eger ol kandidat barlyq talapqa sáikes kelse, iaǵni jasy qyryqtan asqan, týmysynan Qazaqstan azamaty, memlekettik qyzmette 5 jyldan kem emes jumys tájiribesi bar, sottylyǵy joq, jemqorlyq qylmysyn jasamaǵan, osynyń bári eskeriledi", - dedi Baimoldina.
OSK múshesi buǵan deiingi prezident sailaýynda diplomatiialyq qyzmetker bolǵan Ǵani Qasymovtyń kandidat bolǵanyn atap ótti.
"Kandidattyń qujattaryn kórmei jatyp, naqty jaýap bere almaimyn. Ortalyq sailaý komissiiasy alqalyq jiynda úmitkerdiń talaptarǵa sáikestigin qarap, sheshim shyǵarady", - dedi ol.
