Ministrlik Ósimdikter dúniesi týraly zań jobasyn ázirledi. Onyń sheńberinde ósimdikter dúniesi resýrstaryn qorǵaý, molyqtyrý jáne paidalaný jónindegi barlyq máseleler zańnamalyq turǵyda retke keltirý, oǵan jaýapty memlekettik organdardy aiqyndaý kózdelýde. Bul týraly Úkimet otyrysynda Qazaqstan Respýblikasynyń Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy QazAqparat.
«Ósimdikter dúniesin saqtaý máseleleri Orman kodeksimen ǵana jáne tek memlekettik orman qory aýmaǵynda nemese jalpy kólemi 2,5 mln gektar bolatyn el aýmaǵynyń nebary 11%-y retteledi. Al aýyl sharýashylyǵy maqsatyndaǵy jerler bosalqy jerler jáne ónerkásip jerleri siiaqty basqa sanattardaǵy jerler boiynsha bul máseleler rettelmegen. Osyǵan bailanysty ministrlik Ósimdikter dúniesi týraly zań jobasyn ázirledi. Onyń sheńberinde ósimdikter dúniesi resýrstaryn qorǵaý, molyqtyrý jáne paidalaný jónindegi barlyq máseleler zańnamalyq turǵyda retke keltirý, ósimdikter dúniesi resýrstaryn saqtaýǵa jáne molyqtyrýǵa jaýapty memlekettik organdardy aiqyndaý kózdelýde», - deidi QR Ekologiia, geologiia jáne tabiǵi resýrstar ministri Maǵzum Myrzaǵaliev.
Onyń aitýynsha, ósimdikter dúniesiniń esebin memlekettik kadastr men monitoringin júrgizý, sondai-aq botanikalyq korrektsiialar men ósimdikterdiń genetikalyq resýrstary kollektsiialaryn jasaý jáne ustaý tártibin aiqyndaý kózdelýde.
«Budai basqa, ósimdikterdiń sirek kezdesetin jáne quryp ketý qaýpi tóngen túrlerin saqtaý máseleleri retteletin bolady. Memleket basshysynyń tapsyrmalaryn sapaly ári ýaqytynda oryndaý maqsatynda oblys ákimdikterine kelesidei tapsyrma berýdi suraimyn: rmandardy molyqtyrý men orman ósirý kólemin ulǵaitý boiynsha júktelgen josparly kórsetkishterdi oryndaý, qurylǵan orman ekpeleriniń ýaqytyly ustalýyn qamtamasyz etý, qalalar men basqa eldi mekenderdegi jasyl jelekter boiynsha pasporttandyrý boiynsha jumys júrgizý. Sonymen qosa, Qarjy ministrligi respblikalyq biýdjet sheńberinde óńirler men basqa da memlekettik organdardyń ormandardy molyqtyrý men ormannyń ósý kólemin ulǵaitýdy qamtamasyz etý úshin qarjylandyrý máselelerin pysyqtaý qajet», - deidi ol.
