Foto: gov.kz
Batys Qazaqstan oblysy ákiminiń orynbasaryna qatysty sottan keiin otstavkaǵa kete me? Bul suraqqa ákim apparatynyń basshysy jaýap berdi, - dep habarlaidy Tengrinews.kz saity "Moi gorod" basylymyna silteme jasap.
Basylym jýrnalisteri oblys ákimdigine saýal joldaǵan. Óńir ákimi apparatynyń basshysy Nurdilda Orazdyń aitýynsha, Nariman Tóreǵaliev otstavkaǵa kete me degen suraqqa naqty jaýap sot úkimi zańdy kúshine engennen keiin ǵana belgili bolady.
Esterińizge sala keteiik, 16 tamyzda Oral qalalyq soty BQO ákiminiń burynǵy birinshi orynbasary Erjan Baltaev pen Aqjaiyq ÁKK basqarma tóraǵasynyń birinshi orynbasary Artýr Dosqalievke qatysty úkim jariialady. Sot olardy laýazymdyq ókiletin asyra paidalanǵany úshin kináli dep taýyp, Baltaevqa 8,6 million teńge, Dosqalievke 3,4 million teńge aiyppul taǵaiyndady. Eki azamattyń da ómir boiy memlekettik qyzmet atqarýyna tyiym salyndy.
Aita keteiik, buǵan deiin Sybailas jemqorlyqqa qarsy qyzmeti málimetinshe, Batys Qazaqstan oblysy ákiminiń birinshi orynbasary Erjan Baltaevtyń sybailas jemqorlyqqa kúdikti bolǵan.
Is jeńildetilgen tártippen qaraldy. Eki sottalýshy da óz kinásin moiyndap, keltirilgen zalaldy ótedi.
"Baltaev laýazymdyq ókiletin asyra paidalandy dep kúdikteldi. Prokýrordyń aiyptaý aktisinde buryn "Aqjaiyq ÁKK" AQ jetekshisi bolyp jumys jasaǵan Baltaev, keiin de jumysyn úilestirgen dep jazylǵan. Aqpanda ol Dosqalievke óziniń júrgizýshisi Eleýsinov pen Moldahan esimdi azamatty ÁKK-ǵa jumysqa ornalasýǵa nusqaý bergen. Nusqaýlyǵynda Baltaev olar is júzinde jumys istemeitinin atap ótti", - dep habarlanǵan edi.
Sot sheshimi boiynsha, sottalǵandar aiyppuldy úkim zańdy kúshine engen kúnnen bastap bir ai ishinde tóleýge tiis. Úkim áli zańdy kúshine engen joq jáne shaǵymdalýy múmkin.
