Foto: Abai oblysy ákimdigi
Abai oblysyndaǵy órtten qaza tapqandardyń otbasyna kómek kórsetile bastady, - dep habarlaidy "Ult aqparat" oblys ákimdiginiń baspasóz qyzmetine silteme jasap.
Ákimdik málimetinshe, ár otbasy 7 million teńge, sondai-aq qosymsha ár balaǵa 2 million teńge tólenedi. Kómekke asyraýshysynan airylý boiynsha járdemaqy, birjolǵy áleýmettik tólem, sondai-aq jailastyrylǵan turǵyn úi berý kiredi. Sonymen qatar qaitys bolǵandar men olardyń otbasylarynyń nesie júktemesine yqtimal esepten shyǵarý úshin taldaý jasalady.
Búgin órt saldarynan qaza tapqan 14 adamnyń otbasyna, sondai-aq traktorshy S.N. Arhipovtyń otbasyna Semei qalasy Qaraǵaily shaǵyn aýdanyndaǵy jańa páterlerdiń kilti tabystaldy.
Abai oblysynyń ákimi qaitys bolǵan Saiat Nurjigitov pen Amangeldi Dúisembaevtyń otbasylaryna 2 jáne 3 bólmeli páterdiń kiltin tapsyrdy.
"Órtte zardap shekkenderdiń otbasylaryn qoldaý boiynsha júrgizilip jatqan jumystar bizdiń turaqty baqylaýymyzda. Búgin biz tapsyratyn jańa páterler barlyq qajetti jihazdarmen jáne turmystyq tehnikamen tolyq jabdyqtalǵan. Biz qosymsha kómek kórsetýdi jalǵastyramyz", - dedi Uranhaev.
Qaza tapqan azamattardyń týystary memleket tarapynan kórsetilgen kómek pen qoldaý úshin rizashylyqtaryn bildirdi.
