Aqtaýda 52 jastaǵy áieldi óltirdi degen kúdikpen azamattyq nekedegi kúieýi ustaldy.
Oqiǵa 16 sáýirge qaraǵan túni bolǵan. Órt boiynsha shaqyrtý alǵan TJD qyzmetkerleri qyzyl jalyn tutanǵan úiden áiel adamnyń denesin tapqan. Kórshilerdiń aitýynsha, kúdikti áieldi óltirip, artynan páterge qasaqana órt qoiǵan. Ýaqytynda jetken órt sóndirýshiler qyzyl otty sóndirdi.
Politsiia departamenti osy jaitqa qatysty túsinikteme berdi. Adam óltirý faktisi boiynsha qylmystyq is qozǵaldy. Kúdikti ustalyp, ýaqytsha ustaý izoliatoryna qamaldy.
Tergeý múddesi úshin basqa málimetter jariialanbaidy.
