Jańajol ken ornyndaǵy munai qaldyǵyna arnalǵan rezervýar órtenip, ekologtar jospardan tys tekserý júrgizdi, dep habarlaidy "Ult aqparat".
«SNPS-Aqtóbemunaigaz» AQ-nyń Jańajol munai-gaz óńdeý kesheninde rezervýar órtendi. Oqiǵa 8 qańtar kúni saǵat 18:20-da tirkelgen. Órt arada 4 saǵat ótkende sóndirildi. Osy oqiǵadan keiin Aqtóbe oblystyq ekologiia departamenti topyraq pen aǵyndy sýdyń synamasyn aldy.
«Qorshaǵan ortany, topyraqty munai ónimderimen lastanǵany úshin «SNPS-Aqtóbemunaigaz» AQ-na Ákimshilik quqyqbuzýshylyq kodeksiniń «Qorshaǵan ortany qorǵaý jónindegisanitariialyq-epidemiologiialyq jáne ekologiialyq talaptardy buzý», «Ekologiialyq ruqsatta kórsetilgen tabiǵat paidalaný sharttaryn oryndamaý», «Jerdi búldirý» baptary boiynsha 1,7 million teńge aiyppul salyndy. Sonymen qatar qorshaǵan ortaǵa ekonomikalyq shyǵyn keltirgeni úshin 1,4 million teńge tóleý týraly uiǵarym berildi. Ekeýi de tolyq óndirildi», - dedi oblystyq ekologiia departamenti basshysynyń orynbasary Erbolat Qojyqov.
