QR Ortalyq sailaý komissiiasynyń tóraǵasy Berik Imashev EQYU/DIAQB Missiiasy qajettilikterdi baǵalaý jónindegi ókilderimen kezdesti, dep habarlaidy QR OSK baspasóz qyzmeti.
Qajettilikterdi baǵalaý jónindegi EQYU/DIAQB Missiiasy, ádette, elge sailaý aldyndaǵy jaǵdaidy jáne sailaýǵa daiyndyqty baǵalaý maqsatynda sailaýmen bailanysty is-sharalardy ótkizýdiń oryndylyǵy týraly usynymdardy ázirleý úshin sailaý bastalǵanǵa deiin birneshe ai buryn jiberiledi.
Qazaqstanda qajettilikti baǵalaý jónindegi EQYU/DIAQB Missiiasy 2004 jylǵy 21-24 maýsymda Parlament Májilisi depýtattarynyń kezekti sailaýy qarsańynda, 2005 jylǵy 13-17 qyrkúiekte Prezidenttiń kezekti sailaýy qarsańynda, 2015 jylǵy 3-6 naýryzda Prezidenttiń kezekten tys sailaýy qarsańynda boldy. Bul missiianyń kelýi kezekten tys sailaýǵa ekinshi kelýi bolyp tabylady.
Syndarly dialog barysynda QR OSK músheleri EQYU/DIAQB sailaý jónindegi keńesshileri Radivoe Grýichpen, Misev Vladimirmen jáne EQYU Parlamenttik Assambleiasynyń ókili Todorich Dmitrimen birlesip, 2019 jylǵy 9 maýsymda Qazaqstan Respýblikasy Prezidentiniń kezekten tys sailaýyn ótkizýge arnalǵan máselelerdi talqylady.
Esterińizge sala ketsek, SIM shet memleketter men halyqaralyq uiymdarǵa (EQYU/DIAQB PA, EQYU PA, EKPA, TMD PA, UQShU PA, TMD PAA, ShYU, TMYK, IYU) baiqaýshylardy aldaǵy prezidenttik sailaýǵa shaqyrýlardy jibergen. Ortalyq sailaý komissiiasy ekijaqty yntymaqtastyq sheńberinde 25 shet memlekettiń sailaý organdary basshylaryn shaqyrdy.
