QR Ortalyq sailaý komissiiasy Qazaqstan Respýblikasy Parlamenti Májilisiniń jáne máslihat depýtattarynyń kezekti sailaýyna orai sailaýshylarǵa úndeý joldady, dep habarlaidy "Ult aqparat".
«Eger siz daýys berý kúnine 18 jasqa tolǵan jáne belsendi sailaý quqyǵyna ie Qazaqstan Respýblikasynyń azamaty bolsańyz, onda Qazaqstan Respýblikasy Parlamenti Májilisiniń jáne máslihattarynyń depýtattaryn sailaýǵa quqyǵyńyz bar. Sizdiń sailaýshylar tizimderinde bolýyńyz sailaýǵa qatysýǵa konstitýtsiialyq quqyǵyńyzdyń kepili bolyp sanalady.
Sailaýshylar tizimderin jergilikti atqarýshy organdar jasaidy. Sizdiń naqty sailaý ýchaskesiniń aýmaǵyndaǵy turǵylyqty jerińiz boiynsha tirkelýińiz sailaýshylar tizimine engizý úshin negiz bolyp tabylady.
Sailaý ýchaskeleriniń shekaralary jergilikti buqaralyq aqparat quraldarynda 2020 jylǵy 5 qarashadan keshiktirilmei jariialanady», - delingen úndeýde.
Sonymen qatar OSK ár sailaýshy sailaý taǵaiyndalǵan kezden bastap tiisti jergilikti atqarýshy organda sailaýshy retinde tirkelýge quqyly ekendigine nazar aýdartady.
«Eger sizge 2020 jylǵy 10 jeltoqsanǵa deiin sailaý kúni tirkelgen jerińiz boiynsha daýys berýge arnalǵan úi-jaiǵa kelý múmkindigińiz bolmaityny belgili bolǵan jaǵdaida, baratyn jerińizdegi ákimdikke sailaýshylardyń tiisti tizimine engizý týraly jazbasha ótinishpen júginýge quqylysyz.
Eger siz turaqty tirkelgen jerińizden tys eldi mekende bolsańyz jáne turǵylyqty jerińiz boiynsha ýaqytsha tirkelgen bolsańyz, onda 2020 jylǵy 10 jeltoqsannan keshiktirmei, sailaý kúni daýys beretin sailaý ýchaskesiniń sailaýshylar tizimine engizý týraly jazbasha ótinishpen ózińiz ýaqytsha bolatyn jerdegi ákimdikke júginýge quqylysyz.
Qurmetti sailaýshy! Quqyqtyq saýattylyq tanytyńyz jáne ózińizdiń sailaý quqyǵyńyzdy iske asyryńyz!
Ózińizdi sailaýshylar tizimine engizý boiynsha zańdy mańyzdy áreketterdi ýaqtyly qabyldaýyńyz qajet.
2020 jylǵy 26 jeltoqsannan bastap sizge óz sailaý ýchaskeńizdegi sailaýshylar tiziminen ózińiz týraly málimetterdi tekserý múmkindigi beriledi», - dep atap ótedi Ortalyq sailaý komissiiasynan.
