Búgin QR Ortalyq sailaý komissiiasynyń otyrysy ótti. Onda 2021 jylǵy 10 qańtarǵa taǵaiyndalǵan QR Parlamenti Májilisiniń jáne máslihattarynyń depýtattaryn sailaý jónindegi naýqan barysynda OSK-ǵa kelip túsken jeke jáne zańdy tulǵalardyń ótinishterin qaraý barysy talqylandy, dep habarlaidy QazAqparat.
Osy taqyryp boiynsha Ortsailaýkom múshesi Erlan Daýylbaev baiandama jasady.
Ol jeke jáne zańdy tulǵalardyń ótinishterin qaraý mazmuny men barysy Ortalyq sailaý komissiiasynyń tórt otyrysynda – kandidattardy usyný kezeńiniń qorytyndysy, partiialyq tizimderdi tirkeý, sailaý aldyndaǵy úgit kezeńinde jáne úgit kezeńiniń aiaqtalý qorytyndylary boiynsha qaralǵanyn habarlady.
«Sailaý jariialanǵan kezden bastap, 21 qazannan búgingi kúnge deiin Ortalyq sailaý komissiiasyna 104 ótinish kelip tústi. Onyń ishinde: 46-sy – jeke tulǵalardan, 36-sy – zańdy tulǵalardan, sondai-aq 22 -si buqaralyq aqparat quraldarynan. Kóterilgen máselelerdiń sipaty boiynsha ótinishter bylaisha bólindi: 63,4% (66 ótinish) – sailaý zańnamasyn túsindirý týraly, 13,5% (14) – sailaý protsesin uiymdastyrý máseleleri boiynsha aqparat berý týraly, 4,8% (5) – usynys, taǵy da 4,8 paiyzy - (5) ótinish, 13,5% - (14) – ózge de máseleler», - dedi E. Daýylbaev.
Onyń aitýynsha, kórsetilgen kezeńde kelip túsken 104 ótinishtiń 81-ine OSK apparaty ótinish berýshilerge belgilengen merzimderde tolyq jaýaptar berdi. 12 ótinish Ortsailaýkom quzyretine kirmeitin taqyryp retinde zańda belgilengen tártippen memlekettik organdarǵa qaita jiberildi. 6 ótinish zańnamaǵa sáikes qaraýsyz qaldyryldy: olardyń ishinde 4 azamattyń ótinishi, óitkeni olarda máseleniń máni baiandalmaǵan, sondai-aq jańa dálelder keltirilmegen eki qaitalama ótinish. 5 ótinish qaralyp jatyr. Oryndalmaǵan ótinishter joq.
Ortalyq sailaý komissiiasyna kelip túsken ótinishterdi taldaý negizinde úshten ekisi nemese 68% sailaý salasyndaǵy zańnamanyń ártúrli aspektilerin túsindirýge qatysty ekenin kórsetedi.
E.Daýylbaev óz baiandamasynda Ortalyq sailaý komissiiasy sailaýshylardyń jáne sailaý protsesine basqa da qatysýshylardyń quqyqtyq saýattylyǵyn arttyrý boiynsha jumystyń mańyzdylyǵyn sezine otyryp, 2020 jylǵy 26 qarashada ótinishterdi qaraý barysy jáne sailaý zańnamasyn túsindirý tártibi týraly Qaýly qabyldaǵanyn atap ótti. Ortalyq sailaý komissiiasy ókilettiligi aiasynda basqa memlekettik organdarmen birlesip túsindirý jumysyn uiymdastyrý boiynsha sharalar júiesin qurdy. Ortsailaýkom aqparattyq-túsindirý materialdary keshenin ázirledi (beine-, aýdiorlikter, plakattar, ádistemelik jáne basqa da materialdar), olar buqaralyq aqparat quraldarynyń barlyq túrlerinde keńinen ornalastyryldy.
Sonymen qatar, Ortsailaýkom qaýlysyna sáikes JAO-men birlesip, ýaqytsha tirkelgen azamattardy sailaýshylar tizimderine engizý tártibi týraly azamattarǵa keńinen aqparat berý, sonyń ishinde onlain-servister men Call-ortalyqtar arqyly aqparat berý uiymdastyryldy.
«Respýblikanyń barlyq óńirlerinde sailaý naýqany bastalǵan kezden bastap 187 Call-ortalyq jumys isteidi. Jergilikti atqarýshy organdardyń Call-ortalyqtary men onlain-servisterine azamattardy sailaýshylar tizimderine engizý jáne olardyń mártebesin naqtylaý, aýmaqtyq ári ýchaskelik sailaý komissiiasynyń ornalasqan jeri týraly bailanys aqparatyn berý máseleleri boiynsha, sailaý protsesi men sailaý qyzmetiniń ózge de máseleleri turǵysynda 381,5 myńnan astam ótinish tústi. Ádilet ministrligi 2020 jylǵy 10 jeltoqsannan bastap respýblika úshin 119 biryńǵai nómiri bar Call-ortalyq arqyly quqyqtyq konsýltatsiialar berdi. 2020 jylǵy 31 jeltoqsandaǵy jaǵdai boiynsha Ádilet ministrligi janyndaǵy Call-ortalyqqa 1129 ótinish tústi. Sonyń ishinde 821 – sailaý zańnamasyn túsindirý máselesi boiynsha, 308–aýmaqtyq sailaý komissiialary týraly, jergilikti atqarýshy organdardyń Call-ortalyqtary týraly bailanys (anyqtamalyq) aqparaty týraly suraýlar», - dep naqtylady OSK múshesi.
Jalpy, OSK-ǵa kelip túsken barlyq ótinishterdiń úshten biri 13 zańdy tulǵadan kelip tústi, olardyń jartysy - 3 qoǵamdyq uiymnan. Olardyń árqaisysynan suraqtarmen 5 ótinish kelip tústi, olarǵa tikelei jaýaptar beiindik zańda qamtylǵan.
OSK-ǵa kelip túsken ótinishterdiń altydan bir bóligi sailaý protsesine qatysýshylardyń jekelegen sanattarynyń ókilettikterin iske asyrý máseleleri týraly OSK-nyń 4 jeltoqsandaǵy qaýlysynyń negizgi erejelerin túsindirýge qatysty.
«Bul másele OSK-nyń 2 otyrysynda qaraldy, baspasóz máslihaty ótkizildi, 500-ge jýyq úkimettik emes uiym qatysqan bir jarym saǵattyq oqytý seminary ótkizildi», - dedi E. Daýylbaev.
