Búgin QR Ortalyq sailaý komissiiasynyń otyrysynda QR Parlamenti Senatynyń depýtattaryn sailaýdyń qorytyndylary jariialandy, dep habarlaidy "Ult aqparat".
QR OSK tóraǵasynyń orynbasary Konstantin Petrov «2020 jylǵy 12 tamyzda bolǵan Qazaqstan Respýblikasy Parlamenti Senatynyń depýtattaryn sailaýdyń qorytyndylaryn anyqtaý jáne jariialaý týraly» baiandama jasady.
Ol oblystyq, Nur-Sultan, Almaty jáne Shymkent qalalarynyń sailaý komissiialarynyń Parlament Senaty depýtattaryn sailaý boiynsha daýystardy sanaý nátijeleri týraly hattamalary negizinde sailaý Qazaqstan Respýblikasynyń 14 oblysynda, Nur-Sultan, Almaty jáne Shymkent qalalarynda ótti dep tanylǵanyn baiandady.
3069 tańdaýshynyń 2889-y nemese tańdaýshylardyń jalpy sanynyń 94,1 paiyzy daýys berýge qatysty.
Sailaý biýlletenderiniń jalpy sanynan 15 sailaý biýlleteni jaramsyz dep tanyldy.
Daýys berý kúniniń qorytyndysy boiynsha QR Parlamenti Senatynyń depýtattary bolyp myna adamdar sailandy:
Aqmola oblysynan – Bekenov Nurlan Jeksembaiuly, 1961 jyly týǵan, Aqmola oblysy boiynsha Tekserý komissiiasynyń tóraǵasy;
Aqtóbe oblysynan – Qaniev Baýyrjan Nuralyuly, 1958 jyly týǵan, Aqtóbe oblysy Shalqar aýdanynyń ákimi;
Almaty oblysynan – Dúisembinov Sultan Myrzabekuly, 1959 jyly týǵan, Almaty oblystyq máslihatynyń hatshysy;
Atyraý oblysynan – Luqpanov Saǵyndyq Esenǵaliuly, 1960 jyly týǵan, «Kazakhstan Petrochemical Industries Inc.» JShS basqarýshy direktory-basqarma múshesi;
Shyǵys Qazaqstan oblysynan – Býlavkina Olga Aleksandrovna, 1972 jyly týǵan, Borodýliha aýdanynyń ákimi;
Jambyl oblysynan – Orynbekov Bekbolat Serikbekuly, 1957 jyly týǵan, Jambyl oblysy ákiminiń birinshi orynbasary;
Batys Qazaqstan oblysynan – Rysbekova Lázzát Tuiaqbaiqyzy, 1976 jyly týǵan, «Oral gýmanitarlyq kolledji» JM qarjy direktory;
Qaraǵandy oblysynan – Ershov Sergei Mihailovich, 1960 jyly týǵan, Qazaqstan Respýblikasy Parlamenti Senatynyń depýtaty;
Qostanai oblysynan – Karpliýk Sergei Alekseevich, 1968 jyly týǵan, Qostanai oblysy ákiminiń orynbasary;
Qyzylorda oblysynan – Álnazarova Aqmaral Sháripbaiqyzy, 1971 jyly týǵan, «Nur Otan» partiiasynyń oblystyq filialy tóraǵasynyń birinshi orynbasary;
Mańǵystaý oblysynan – Aldashev Súiindik Tasemenuly, 1963 jyly týǵan, «Qarajanbasmunai» AQ birinshi vitse-prezidenti;
Pavlodar oblysynan – Nuhuly Altynbek, 1962 jyly týǵan, Pavlodar memlekettik pedagogikalyq ýniversitetiniń rektory;
Soltústik Qazaqstan oblysynan – Perepechina Olga Valentinovna , 1967 jyly týǵan, Qazaqstan Respýblikasy Parlamenti Senatynyń depýtaty;
Túrkistan oblysynan – Bektaev Áli Ábdikárimuly, 1962 jyly týǵan, Qazaqstan Respýblikasy Parlamenti Senatynyń depýtaty;
Nur-Sultan qalasynan – Kúrishbaev Aqylbek Qajyǵululy, 1961 jyly týǵan, «S.Seifýllin atyndaǵy Qazaq agrotehnikalyq ýniversiteti» AQ basqarma tóraǵasy;
Almaty qalasynan – Mákejanov Sultanbek Almasbekuly, 1961 jyly týǵan, Almaty qalasy Medeý aýdanynyń ákimi;
Shymkent qalasynan – Qapbarova Aigúl Jarylqasynqyzy, 1975 jyly týǵan, Qazaqstan Respýblikasy Parlamenti Senatynyń depýtaty.
