QR Syrtqy ister ministrliginiń keńeitilgen alqa májilisinde QR Prezidenti Qasym-Jomart Toqaev «Sý diplomatiiasy» boiynsha kelissózdi tezirek aiaqtaýǵa pikir bildirdi, dep habarlaidy QazAqparat.
Qazaqstannyń Ortalyq Aziiadaǵy kóshbasshylyq ornyn nyǵaitý taqyrybyna toqtalǵan Prezident: «Men joǵaryda aitqanymdai, bul – asa mańyzdy mindet. Biz osy aimaqta erekshe mártebege ie ekenimizdi batyl málimdei bilýge tiispiz. Buǵan tolyq negiz bar», - dedi.
Osy oraida Memleket basshysy ekonomikamyz Orta Aziiadaǵy basqa elderdiń ekonomikasyna qaraǵanda áldeqaida qýatty ekenin, biz Eýraziiadaǵy basty kólik dálizderi toǵysqan geostrategiialyq ortalyqta turǵanymyzdy, aýqymdy ekonomikalyq jáne demokratiialyq reformalar belsendi túrde júzege asyrylyp jatqanyn, ziiatkerlik jáne adami resýrsymyz bar ekenin, halyqaralyq qaýymdastyqtyń aldyndaǵy abyroi-bedelimiz joǵary ekenin atap ótti.
«Osyǵan orai, Ortalyq Aziianyń taǵdyry úshin Qazaqstanǵa erekshe jaýapkershilik júkteledi. Óńirdegi ózekti máselelerdi aiqyndap, ony sheshý kezinde elimiz mańyzdy ról atqarady. «Sý diplomatiiasy» boiynsha kelissózdi tezirek aiaqtaý Qazaqstan men Ortalyq Aziia elderiniń jáne Resei men Qytaidyń ortaq múddesine sai keledi dep sanaimyn. Transshekaralyq sý resýrstaryn ádil jáne tiimdi paidalaný aimaqta azyq-túlik qaýipsizdigin qamtamasyz etýdiń basty kepili bolmaq», - dedi Qasym-Jomart Toqaev.
