Beinekonferentsiia rejiminde saýda jáne ózara bailanys máseleleri boiynsha Ortalyq Aziia, Qytai jáne Aýǵanstan memleketteri Syrtqy ister ministrleri orynbasarlarynyń otyrysy ótti, dep habarlaidy "Ult aqparat" QR SIM baspasóz qyzmetine silteme jasap.
Otyrysqa qatysýshylar óńirlik jáne halyqaralyq kún tártibindegi birqatar ózekti máseleler boiynsha pikir almasty. Negizgi nazar saýda-ekonomikalyq ózara is-qimyldy jáne tranzit-kóliktik salasyndaǵy yntymaqtastyqty tereńdetýge aýdaryldy.
Taraptar óńirishilik saýdany keńeitýdiń, óńirlik jetkizilimder tizbeginiń turaqty jáne úzdiksiz jumysyn qamtamasyz etýdiń, sondai-aq elder ekonomikalaryn qalpyna keltirý jónindegi birlesken sharalardyń mańyzdylyǵyn atap ótti. Qoldanystaǵy kólik dálizderin paidalana otyryp, tranzittik-logistikalyq áleýetti nyǵaitýǵa múddelilik aityldy.
Syrtqy saiasi vedomstvolar basshylarynyń orynbasarlary koronavirýs infektsiiasynyń taralýyna qarsy kúrestegi ózara is-qimyldy joǵary baǵalady jáne COVID-19 aldyn alý jáne emdeý boiynsha birlesken sharalardy kúsheitýge múddelilik bildirdi.
Aýǵanstandaǵy beibit protsesti ilgeriletý jáne jaǵdaidy saiasi retteý, sondai-aq onymen saýda-ekonomikalyq, kólik jáne infraqurylymdyq bailanystardy nyǵaitý máselelerinde ózara tiimdi yntymaqtastyqqa ázirlik bildirildi.
Kezdesýge qatysýshylar, sondai-aq, halyqaralyq terrorizm men ekstremizmge, esirtkiniń zańsyz ainalymyna, adam saýdasyna, transulttyq uiymdasqan qylmysqa, óńirlik qaýipsizdikke, onyń ishinde halyqaralyq uiymdar sheńberindegi basqa da syn-tegeýrinder men qaterlerge qarsy kúrestegi yntymaqtastyq máselelerin qarastyrdy.
