Sardoba apatynan keiin Qazaqstan Syrdariianyń basyndaǵy elderge ózen basseininiń sý sharýashylyǵy balansyn jasaýdy usynyp, hat joldaǵan bolatyn. Ázirge bul usynysty Tájikstan men Ózbekstan qoldap otyr, dep habarlaidy "Ult aqparat".
Ekologiia, geologiia jáne tabiǵi resrýstar ministrligine joldanǵan saýaldyń jaýabynda bul istiń qazir qandai satyda turǵany baiandalǵan.
Vitse-ministri Serik Qojaniiazovtyń aitýynsha, Syrdariia ózeniniń basseininde ornalasqan elderdiń naqty qansha sý alatynyn, sondai-aq jańa sý sharýashylyǵy obektileriniń (sý qoimalarynyń, sý toraptarynyń, kanaldardyń jáne t. b.) ózen aǵysyna áserin anyqtaý maqsatynda qazaqstan tarapy Syrdariia ózeni basseininiń sý sharýashylyǵy balansyn jasaý týraly bastama kótergen.
«Resmi túrde Ózbekstan Respýblikasyna, Tájikstan Respýblikasyna jáne Qyrǵyz Respýblikasynyń ýákiletti organdaryna usysyn jiberildi. Ózbek jáne tájik taraptary qazaqstandyq taraptyń Sý sharýashylyǵy balansyn ázirleý jónindegi usynysyn resmi túrde qoldady. Qazirgi ýaqytta bul másele qyrǵyz tarapymen pysyqtalýda. Sý sharýashylyǵy balasyn ázirleý barysynda Ózbekstan aýmaǵynda qansha sý qoimasy salynǵany jáne olardyń tehnikalyq sipattamalary anyqtalatyn bolady», - deidi vedomstvo ókili.
