Elimizdegi qoldanystaǵy órt sóndirý tehnikalarynyń 40 paiyzǵa jýyǵy ótken ǵasyrda shyǵarylǵan. Bul týraly búgin QR Ishki ister ministriniń orynbasary Iýrii Ilin aitty, dep habarlaidy QazAqparat.
«Tótenshe jaǵdailar komitetiniń qaramaǵyndaǵy 2695 órt tehnikasynyń 37 paiyzy nemese 1001 avtokólik ótken ǵasyrdyń 70-90 jyldarynda shyǵarylyp, áli kúnge deiin paidalanylyp keledi. Kólikter normativtik merzimi ótip ketse de qoldanysta jáne olardy aiyrbastaý qajet.
Jergilikti biýdjet esebinen tótenshe jaǵdaimen kúresý úshin órtti sóndiretin 68 arnaiy tehnika alyndy. Al 2017 jyly respýblikalyq biýdjetten tiisti qarajat bólingen joq»,- dedi Iýriia Ilin Májilistegi «Tótenshe jaǵdailardyń aldyn alý jáne olardy joiý jónindegi memlekettik júieniń jai-kúii men damý perspektivalaryn týraly» dóńgelek ústel otyrysynda.
Vitse-ministrdiń aitýynsha, órt sóndirý tehnikasy parkin jańartý úshin jyl saiyn keminde 6 mlrd teńgege jýyq qarajat bólip otyrý qajet.
«Bul qarajat Tótenshe jaǵdailar komiteti bólimsheleriniń únemi daiyn turýy úshin shamamen 150 tehnika satyp alýǵa jetedi», - dedi ol.
