QR Premer-Ministri Asqar Mamin turǵyn úilerde órt qaýipsizdigi máselelerin erekshe baqylaýǵa alý men órt profilaktikasy boiynsha jumystarǵa túsinik berdi, dep habarlaidy "Ult aqparat".
«Azamattyq qorǵaý organdary jyl saiyn órtterdi, gaz ballondarynyń jarylystaryn, turǵyn úi sektorynda adamdardyń qaza bolýy men jaraqattanýyn azaitýǵa baǵyttalǵan profilaktikalyq is-sharalar keshenin iske asyrýda. Karantindik shekteýlerdiń engizilýine bailanysty 2020 – 2021 jylǵy jylytý kezeńinde ataýly profilaktikalyq jumystar negizinen habarlama tártibinde, bailanyssyz is-sharalar júrgizý jáne buqaralyq aqparat quraldary arqyly júrgiziledi», - delingen Úkimet basshysynyń depýtattyq saýalǵa bergen jaýabynda.
Onyń aitýynsha, aǵymdaǵy jylǵy jylytý kezeńinde mamandar 2 mln astam úidi aralap, shamamen 4 mln azamatqa nusqaý berildi.
«Aralaý barysynda 476 myńnan astam jeke turǵyn úide 661 myńnan astam órt qaýipsizdigi talaptarynyń buzylýy anyqtaldy, 246 myńnan astamy aralaý barysynda joiyldy (pesh aldy ottyq tabaqtaryn ornatý, jylytý jabdyqtarynyń ústine kiimdi keptirý jáne t.b.). Atalǵan jumysty ýákiletti memlekettik organdar júieli negizde júrgizip otyrady. Jalpy turǵyn úi sektorynda órt qaýipsizdigin qamtamasyz etý máselesi ýákiletti memlekettik organdardyń turaqty baqylaýynda tur», - dedi A. Mamin.
