قر پرەمەر-مينيسترٸ اسقار مامين تۇرعىن ٷيلەردە ٶرت قاۋٸپسٸزدٸگٸ مەسەلەلەرٸن ەرەكشە باقىلاۋعا الۋ مەن ٶرت پروفيلاكتيكاسى بويىنشا جۇمىستارعا تٷسٸنٸك بەردٸ, دەپ حابارلايدى "ۇلت اقپارات".
«ازاماتتىق قورعاۋ ورگاندارى جىل سايىن ٶرتتەردٸ, گاز باللوندارىنىڭ جارىلىستارىن, تۇرعىن ٷي سەكتورىندا ادامداردىڭ قازا بولۋى مەن جاراقاتتانۋىن ازايتۋعا باعىتتالعان پروفيلاكتيكالىق ٸس-شارالار كەشەنٸن ٸسكە اسىرۋدا. كارانتيندٸك شەكتەۋلەردٸڭ ەنگٸزٸلۋٸنە بايلانىستى 2020 – 2021 جىلعى جىلىتۋ كەزەڭٸندە اتاۋلى پروفيلاكتيكالىق جۇمىستار نەگٸزٸنەن حابارلاما تەرتٸبٸندە, بايلانىسسىز ٸس-شارالار جٷرگٸزۋ جەنە بۇقارالىق اقپارات قۇرالدارى ارقىلى جٷرگٸزٸلەدٸ», - دەلٸنگەن ٷكٸمەت باسشىسىنىڭ دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, اعىمداعى جىلعى جىلىتۋ كەزەڭٸندە ماماندار 2 ملن استام ٷيدٸ ارالاپ, شامامەن 4 ملن ازاماتقا نۇسقاۋ بەرٸلدٸ.
«ارالاۋ بارىسىندا 476 مىڭنان استام جەكە تۇرعىن ٷيدە 661 مىڭنان استام ٶرت قاۋٸپسٸزدٸگٸ تالاپتارىنىڭ بۇزىلۋى انىقتالدى, 246 مىڭنان استامى ارالاۋ بارىسىندا جويىلدى (پەش الدى وتتىق تاباقتارىن ورناتۋ, جىلىتۋ جابدىقتارىنىڭ ٷستٸنە كيٸمدٸ كەپتٸرۋ جەنە ت.ب.). اتالعان جۇمىستى ۋەكٸلەتتٸ مەملەكەتتٸك ورگاندار جٷيەلٸ نەگٸزدە جٷرگٸزٸپ وتىرادى. جالپى تۇرعىن ٷي سەكتورىندا ٶرت قاۋٸپسٸزدٸگٸن قامتاماسىز ەتۋ مەسەلەسٸ ۋەكٸلەتتٸ مەملەكەتتٸك ورگانداردىڭ تۇراقتى باقىلاۋىندا تۇر», - دەدٸ ا. مامين.
