QR Bilim jáne ǵylym ministri Ashat Aimaǵambetov Ǵylym qorynyń kadrlaryn almastyryp jatyr. Qordyń Basqarmasy men Direktorlar keńesiniń quramy jańartyldy. Bul týraly belgili ekonomist Oljas Qudaibergenov Facebook-te málimdedi, dep habarlaidy "Ult aqparat".
«Sońǵy jyldary Ǵylym qorynda daý-janjaldar bolǵanyn ózderińiz bilesizder. Biraq búite berýi múmkin emes. Ministr Ashat Aimaǵambetov kadrlardy aýystyryp jatyr, sonyń arqasynda qordyń Basqarmasy men Direktorlar keńesiniń quramy jańartyldy, Qordyń da qyzmetinde ózgerister bolyp jatyr», - dep jazdy O. Qudaibergenov.
Qordyń Direktorlar keńesiniń jańa quramyna: Zarema Sháýkenova (QSZI direktory), Bibigúl Ótepqalieva (BǴM Ǵylym komiteti tóraǵasynyń orynbasary), Amangeldi Toibaev (QR Qarjy ministrliginde basqarma basshysy), Maqsat Jabaǵin (BǴM Ulttyq biotehnologiialar ortalyǵynda zerthana meńgerýshisi), Ásemgúl Moldajanova (EUÝ birinshi prorektory), Vassilios Týrassis (Nazarbaev Ýniversitetinde dekan), Dórbethan Suraǵan (NÝ professory) jáne O.Qudaibergenov kirgen.
Basqarmanyń jańa tóraǵasy Aryn Orsariev boldy. Ol buǵan deiin BǴM jaýapty hatshysy qyzmetin atqarǵan.
O. Qudaibergenov 3-6 aidyń ishinde qorǵa degen kózqarasty ózgertip, 2-3 jylda qoǵamǵa paidasy bar qoldanbaly ǵylymi ideialardy jappai qarjylandyrýǵa qol jetkizýge ýáde berdi.
«Basqarma men Direktorlar keńesi túgel qabyldanatyn sheshimder ashyq, jariialy bolýyna kelisip aldyq», - dep málimdedi O. Qudaibergenov.
