Politseiler kýáger, kúdikti jáne marqum Serik Majenov qoryqtyq aimaqta ań aýlaýmen zańsyz ainalysqanyn málimdedi, - dep habarlaidy Tengrinews.kz portaly "Moi Gorod" basylymyna silteme jasap.
BAQ-ta 14 jeltoqsanda saǵat 09.30 shamasynda BQO Terekti aýdany Aqjaiyq aýylynan 10-12 shaqyrym jerde BQO orman sharýashylyǵy jáne janýarlar dúniesi aýmaqtyq inspektsiiasy bóliminiń basshysy, 1977 jyly týǵan Serik Saǵyndyquly Májenov qarýdy abaisyz qoldaný saldarynan qaitys bolǵany habarlanǵan edi.
Alaida politseilerdiń málimetinshe, bul aqparat shyndyqqa janaspaidy.
"Tergeý kezinde kýágerler, kúdikti men jábirlenýshi qoryqtyq aimaqta ań aýlaýmen zańsyz ainalysqany anyqtaldy. Tergeý áli júrip jatyr. BQO Politsiia departamenti ókilderi resmi derekkózderge senip, jalǵan aqparattan aýlaq bolýdy suraidy. Politsiia departamenti jalǵan aqparat taratqan jaǵdaida Qylmystyq kodekstiń 274-baby boiynsha jaza qarastyrylǵanyn eskertedi", - delingen habarlamada.
