Ońdasyn Orazalin Aqtóbe oblysynyń ákimi qyzmetinen bosatyldy, - dep habarlaidy "Ult aqparat" Aqorda saityna silteme jasap.
"Memleket basshysynyń Jarlyǵymen Ońdasyn Seiiluly Orazalin Aqtóbe oblysynyń ákimi laýazymynan bosatyldy", - delingen habarlamada.
Eske salaiyq, Orazalin 2019 jyly aqpanda Prezident Jarlyǵymen Aqtóbe oblysynyń ákimi bolyp taǵaiyndalǵan bolatyn.
Ońdasyn Seiiluly 1963 jyly 6 qarashada Aqtóbe qalasynda dúniege kelgen. 1985 jyly Aqtóbe pedagogikalyq institýtyn aǵylshyn tili muǵalimi mamandyǵy boiynsha, al 1991 jyly ál-Farabi atyndaǵy Qazaq memlekettik ýniversitetin "quqyqtaný" mamandyǵy boiynsha bitirgen.
Ol Aqtóbe oblysy Muǵaljar aýdanynyń ákimi (2000-2003), Aqtóbe oblystyq syrtqy ekonomikalyq bailanystar jáne investitsiialar bóliminiń bastyǵy (2003-2004), Aqtóbe oblysynyń ishki saiasat departamentiniń direktory (2004-2005), Aqtóbe oblysy ákiminiń orynbasary (2005-2006) bolǵan.
2017 - 2019 jyldary Qazaqstan Respýblikasy Prezidenti Ákimshiligi basshysynyń orynbasary bolyp taǵaiyndalǵan.
