Oraza aiynda elimizde dúniege kelgen ul balalarǵa - Ramazan, al qyz balalarǵa Medina esimi jii qoiylǵan, dep habarlaidy "Ult aqparat".
Biyl oraza aiy 13 sáýirde bastalyp, 12 mamyrǵa deiin jalǵasqany belgili. Osy oraida atalǵan eki aida elimizde dúniege kelgen ul jáne qyz balalarǵa qandai esim jii qoiylǵanyn bilý maqsatynda QR Strategiialyq josparlaý jáne reformalar agenttigi Ulttyq statistika biýrosynyń resmi saity derekterine sholý jasap kórgen edik.
Sonymen, sáýir aiynda dúniege kelgen 1 175 ul balaǵa Ramazan esimi berilgen. Jalpy bul aida uldarǵa Aisultan (388), Álihan (341), Nurislam (325) jáne Amir (212) esimderi jii qoiylǵan. Al qyzdar arasynda Medina (585) esiminiń jii qoiylǵanyn baiqaýǵa bolady. Úzdik bestikke Raiana (489), Aisha (425), Ailin (397), Aizere (342) esimderi kiredi.
Statistikalyq derekterden mamyr aiynda da Ramazan (510), Aisultan (183), Álihan (178), Nurislam (156) esimderi jii berilgenin baiqaýǵa bolady. Degenmen, bul aida uldarǵa qoiylǵan úzdik 5 esimniń qataryna Aldiiar (94) kirip otyr. Qyz balaǵa esim qoiýda alǵashqy úzdik tórttik ózgermegen. Iaǵni Medina (235), Raiana (224), Aisha (190), Ailin (175) esimderi jii qoiylǵan. Bul aida úzdik bestikke Asylym esimi de kirdi. Mundai esim 157 qyz balaǵa berilgen.
Aita keterligi, sońǵy jyldary Ramazan aiynda dúniege kelgen sábilerge joǵaryda atalǵan esimderdiń jii qoiylǵanyn baiqaýǵa bolady.
