«Jolaýshylar tasymaly» AQ «Oral – Almaty-2» baǵytyndaǵy №52 jolaýshylar poiyzynyń nege toqtap qalǵanyn túsindirdi, dep habarlaidy "Ult aqparat" kompaniianyń baspasóz qyzmetine silteme jasap.
5 aqpan kúni saǵat 21.07-de «Oral – Almaty-2» baǵytyndaǵy №52 jolaýshylar poiyzy tehnikalyq aqaýǵa bailanysty «Qaraǵandy – Aǵadyr» (Qaraǵandy oblysy) ýchaskesiniń «Nildi – Aisa» aralyǵynda toqtap qaldy.
«Jóndeý jumystaryn júrgizý úshin 182 jolaýshy kele jatqan, quramynda 29 vagony bar jolaýshylar quramyn Qaraǵandy stansasyna qaitarý týraly sheshim qabyldanǵan. «Oral – Almaty-2» qatynasyndaǵy №52 jolaýshylar poiyzynyń ary qarai júrýi sonymen toqtady. Atalǵan aqaý poiyz qozǵalysynyń qaýipsizdigine áser etýi múmkin edi. Aqaý eki vagon aralyǵynan tabylyp otyr. Ony «QR-daǵy Patentes Talgo S.L.» ispandyq kompaniianyń merdiger uiymynyń mamandary joiady» delingen habarlamada.
«Oral – Almaty-2» qatynasyndaǵy №52 jolaýshylar poiyzy Qaraǵandy stantsiiasyna shamamen 11:30-da keledi.
«Qaraǵandy stantsiiasyna kelgennen keiin №52 poiyz jolaýshylary «Jolaýshylar tasymaly» AQ bilet kassalarynan jol júrý qujattarynyń 100% qunyn óndirip ala alady. Sondai-aq Almatyǵa jol tartqan jolaýshylarǵa «Qostanai-Almaty-1» qatynasyndaǵy № 44 jáne «Nur-Sultan-Nurly jol-Almaty-2» qatynasyndaǵy jolaýshylar poiyzyna minip, saparyn jalǵastyra alady» dep málim etti kompaniiadan.
Quram toqtap turǵan ýaqytta jolaýshylar poiyzdyń vagon-meiramhanasynda ystyq tamaqpen qamtamasyz etiledi. Oryn alǵan jaǵdai barlyq quzyrly qurylymdardyń jiti baqylaýynda.
«Jolaýshylar tasymaly» AQ keltirilgen qolaisyzdyq úshin keshirim ótinip, túsinistik pen shydamdylyq tańytqan jolaýshylarǵa alǵys aitady.
