Oral qalasyndaǵy páterlerdiń birinen erli-zaiyptynyń múrdesi tabyldy, dep habarlaidy "Ult aqparat".
Oral qalalyq politsiia basqarmasynyń bastyǵy Mirlan Áikenovtiń aitýynsha, oqiǵa búgin shamamen saǵat 11.00-de Gagarin kóshesi boiyndaǵy 3 qabatty úide bolǵan.
Osyndaǵy páterden 54 jasar er jáne 52 jasar áiel adamnyń deneleri tabyldy.
«Múrdelerdiń jatyp qalǵanyna on kúndei bolǵan. Zorlyq-zombylyq belgileri joq. Aldyn ala málimetke qaraǵanda, olar ýlanyp qalǵan sekildi. Ólimniń naqty sebebi saraptama qorytyndysynan keiin belgili bolady», dedi QazAqparat tilshisine M.Áikenov.
