Oraldaǵy fizika-matematikalyq baǵyttaǵy Nazarbaev ziiatkerlik mektebinde kún stansasy iske qosyldy, dep habarlaidy "Ult aqparat".
Mektep aýmaǵynda «Shell» kompaniiasy qýaty 100 Kvt/saǵat fotoelektrlik kún panelderimen jabdyqtalǵan arnaiy turaqtar ornatty.
Fotoelektrlik stansa kún sáýlesin fotoelektrlik modýlder arqyly túrlendirý jolymen elektr qýatyn óndiredi. Bular mekteptiń jyldyq energiia tutynýynyń 20 paiyzyn únemdeidi, sonymen qatar artyq óndirilgen qýatty qalalyq jelige jibere alady.
Saltanatty jiynǵa «Nazarbaev ziiatkerlik mektepteri» DBBU basqarma tóraiymy Kúlásh Shámshidinova, oblys ákiminiń birinshi orynbasary Muhtar Mankeev qatysty.
«Elbasynyń tikelei tapsyrmasymen Nazarbaev mektepteriniń ashylǵanyna 10 jyl boldy. Osy merzim ishinde elimizde 10 myńnan astam túlek mektepterdi támamdasa, sonyń 80 paiyzy qazaqstandyq tehnikalyq jáne meditsinalyq ýniversitetterde bilim alyp, bitirgenderi eńbekke aralasyp úlgerdi. 300-den astam jastyń aldy Garvard syndy álemniń jetekshi JOO-larynda bilimderin jetildirýde. «Shell» kompaniiasymen birlesip qolǵa alǵan «Mektepterge kún energiiasy» eń aldymen STEM-bilim berýdi engizý, balalardyń osy bastan ǵylymmen ainalysyp, óz ideialaryn júzege asyrýy úshin kerek», dedi óz sózinde K.Shámshidinova.
Mekteptegi fizika pániniń muǵalimi Ómirǵali Bekeshev jobanyń oqýshylardyń jasyl ekonomika, ekologiia salasyndaǵy shyǵarmashylyq ideialaryna qozǵaý salatynyn jetkizdi.
«Oqýshylarymyzdyń bul baǵyt boiynsha jetistikteri de joq emes. Jýyrda avtobýs aialdamalarynda energiiany úzdiksiz paidalaný júiesin jasaqtaǵan mektep túlegi, Nazarbaev ýniversitetiniń 1-kýrs stýdenti Áziz Talapov patent aldy», dedi Ó.Bekeshev.
Aita keteiik, joba Energetika ministrligi, «Shell» kompaniiasy jáne «Nazarbaev ziiatkerlik mektepteri» DBBU arasyndaǵy memorandým aiasynda ekinshi jyl júzege asýda. «Shell» kompaniiasynan kún energiiasyn Nur-Sultan jáne Aqtaý qalalaryndaǵy ziiatkerlik mektepter alǵan bolatyn. Al 2020 jyly osyndai stansa Almaty jáne Atyraý qalalarynda paida bolmaqshy.
Saltanatty sharadan keiin jas ziiatkerler jasyl energetika, jasandy intellekt, biotehnologiia salalary boiynsha ideialarymen tanystyrdy. Sonymen qatar bul kúni almanyń kollektsiialyq jáne intensivti sorttary ósetin ekobaqtyń negizi qalandy.
