Qandy qylmys bolǵan Oraldaǵy "Rahat Lýkým" kafesiniń qyzmetkerleri kásipker Erkin Muhanǵaliev jáne eki kúdikti týraly aityp berdi, - dep habarlaidy Massaget.kz portaly "Jaiyq Press" saityna silteme jasap.
Kafe qyzmetkeri atyn atamaýdy suraǵan. Ol birneshe jyldan beri Erkin Muhanǵalievtiń qolastynda jumys istegen.
Basylymǵa suhbat bergen qyzmetkerdiń sózinshe, Muhanǵaliev jalaqyny keshiktirgen kezi bolmaǵan.
"Bizdiń shef eshkimge qaryz emes, aqshany ýaqytynda beretin. Eki kúdikti bizde jumys istemeidi. Olar bes jyl buryn jumys istegen. Olarǵa eshqandai qaryzy joq edi. Olar shefpen ne úshin kezdeskenin, ne týraly sóileskenin bilmeimin. Ekeýi dindi jamylyp júrgenderin ǵana bilemin", - deidi qyzmetker.
Sonymen qatar, kafe qyzmetkeri jelidegi aqparattarǵa qatysty pikir bildirdi.
"Kóbi eki kúdiktige jalaqysy berilmegenin, sondyqtan olar qylmys jasaǵanyn jazyp jatyr. Óte ókinishti. Bizdiń bastyq ondai adam emes. Ekeýi qasaqana óltirgeni túsinikti. Janjal bastalyp ketkende aralaspaq bolǵanmyn. Meni iterip jiberdi. Al qolyma eden jýǵyshty alyp shyqqanda olar syrtqa shyǵyp ketken. Birneshe jerinen pyshaqtaǵan", - deidi qyzmetker.
Oralda Erkin Muhanǵaliev basshylyq etken "Giýlchetai" jáne "Rahat Lýkým" kafeleri ázirge jabyq. Basylym málimetinshe, qaiǵyly oqiǵa bolǵan kafede qan izderi áli de tur.
