Oralda 23 qazanda 40 statsionarlyq avtomatty júiesi («Prizma-Stos») ornatylǵannan beri 25 myńnan astam jol erejesin buzý oqiǵasy tirkeldi, dep habarlaidy QazAqparat.
BQO politsiia departamentiniń baspasóz qyzmeti málim etkenindei, atalmysh júie eki baǵytta jyldamdyq rejimin buzǵandardy táýlik boiy tirkeidi.
Atalǵan júie iske qosylǵannan beri jol jyldamdyǵyn shamadan tys arttyrǵany úshin 25 myń júrgizýshige aiyppul salyndy.
Atap aitqanda, Resei Federatsiiasynda tirkelgen Kia Rio avtokóliginiń júrgizýshisi 84 ret jyldamdyqty asyrǵan. Sol úshin oǵan 1,2 mln teńge aiyppul tóleý kerektigi jóninde nusqama shyǵaryldy. Qazirgi kezde atalǵan kólik saqtandyrý polisi kelisimshartyn jasamaǵany úshin aqyly turaqqa qoiyldy.
Sol sekildi Reseide tirkelgen Lexus avtokóliginiń júrgizýshisi 52 ret jyldamdyqty asyrǵany úshin 700 myńnan astam teńgeni tóleýge májbúr boldy.
Atalǵan kólikterdiń qalanyń kei jerlerinde jyldamdyqty saǵatyna 100 kilometrden asyrǵany belgili boldy.
BQO politsiia departamenti barlyq turǵyndardy jol erejesin qatań saqtaý kerektigin eske salady.
