ورالدا 23 قازاندا 40 ستاتسيونارلىق اۆتوماتتى جٷيەسٸ («پريزما-Stos») ورناتىلعاننان بەرٸ 25 مىڭنان استام جول ەرەجەسٸن بۇزۋ وقيعاسى تٸركەلدٸ, دەپ حابارلايدى قازاقپارات.
بقو پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, اتالمىش جٷيە ەكٸ باعىتتا جىلدامدىق رەجيمٸن بۇزعانداردى تەۋلٸك بويى تٸركەيدٸ.
اتالعان جٷيە ٸسكە قوسىلعاننان بەرٸ جول جىلدامدىعىن شامادان تىس ارتتىرعانى ٷشٸن 25 مىڭ جٷرگٸزۋشٸگە ايىپپۇل سالىندى.
اتاپ ايتقاندا, رەسەي فەدەراتسيياسىندا تٸركەلگەن Kia Rio اۆتوكٶلٸگٸنٸڭ جٷرگٸزۋشٸسٸ 84 رەت جىلدامدىقتى اسىرعان. سول ٷشٸن وعان 1,2 ملن تەڭگە ايىپپۇل تٶلەۋ كەرەكتٸگٸ جٶنٸندە نۇسقاما شىعارىلدى. قازٸرگٸ كەزدە اتالعان كٶلٸك ساقتاندىرۋ پوليسٸ كەلٸسٸمشارتىن جاساماعانى ٷشٸن اقىلى تۇراققا قويىلدى.
سول سەكٸلدٸ رەسەيدە تٸركەلگەن Lexus اۆتوكٶلٸگٸنٸڭ جٷرگٸزۋشٸسٸ 52 رەت جىلدامدىقتى اسىرعانى ٷشٸن 700 مىڭنان استام تەڭگەنٸ تٶلەۋگە مەجبٷر بولدى.
اتالعان كٶلٸكتەردٸڭ قالانىڭ كەي جەرلەرٸندە جىلدامدىقتى ساعاتىنا 100 كيلومەتردەن اسىرعانى بەلگٸلٸ بولدى.
بقو پوليتسييا دەپارتامەنتٸ بارلىق تۇرعىنداردى جول ەرەجەسٸن قاتاڭ ساقتاۋ كەرەكتٸگٸن ەسكە سالادى.
