Foto: mgorod.kz
Oralda 20 jastaǵy politsiia serjanty oqqa ushty, - dep habarlaidy Tengrinews.kz agenttigi.
Bul aqparatty Batys Qazaqstan oblysynyń politsiia departamenti rastady.
"3 jeltoqsandv saǵat 7:40 shamasynda Oral politsiia basqarmasy ǵimaratynda jaýyngerlik qarýdy alǵannan keiin 20 jastaǵy politsiia serjanty óz-ózine qol jumsady (bekitilgen tabeldik qarýdan oq atqan)", - dep habarlady politsiiadan.
Qyzmeti barysynda ol ózin jaqsy jaǵynan kórsetken, fizikalyq turǵydan daiyn bolǵan. Jumys kestesin saqtaǵan, jumysqa keshikpegen.
"Bul derek 03.12.2021 jyly SDTBT-de tirkelip, sotqa deiingi tergeý bastaldy.
Oqiǵanyń sebepteri men mán-jaiyn anyqtaý úshin qyzmettik tergeý bastaldy, bul týraly qosymsha habarlanatyn bolady. QR QIJK-niń 201-baby negizinde basqa aqparat jariia etilmeidi (sotqa deiingi tergep-tekserý derekteri jariia etýge jatpaidy. Olar tek prokýrordyń ruqsatymen ǵana jariia etilýi múmkin, eger bul tergeý múddelerine qaishy kelse jáne basqa tulǵalardyń quqyqtary men zańdy múddelerin buzýmen bailanysty bolmasa)", - dep tolyqtyrdy BQO PD baspasóz qyzmeti.
