Oralda jasóspirim qyzǵa zorlyq-zombylyq deregine qatysty tergeý júrip jatyr, dep habarlaidy QazAqparat.
Oral qalalyq Politsiia basqarmasy bastyǵynyń tergeý isi jónindegi orynbasary mindetin atqarýshy Nurlan Qojahmetov brifingide atap ótkendei, qyzdyń anasynyń aryzy boiynsha 8 qazan kúni QR QK 121-baby 3-1-bóligine (seksýaldyq sipattaǵy zorlyq-zombylyq áreketteri) sáikes qylmystyq is qozǵaldy.
Onyń aitýynsha, qylmystyq is kámeletke tolmaǵan jasóspirimge qatysty bolǵandyqtan, sondai-aq QR Qylmystyq júrgizý kodeksiniń 201-babynyń talaptaryna sáikes basqa aqparat jariia etilmeidi.
«Mundai sipattaǵy qylmystar departament bastyǵynyń, sondai-aq ministrliktiń erekshe baqylaýynda. Qazirgi kezde tergeý amaldary júrgizilýde. Saraptamalar taǵaiyndalyp, zerdelenedi. Sonyń ishinde jasóspirim qyzǵa jáne kúdiktige qatysty sot-psihiatriialyq saraptamalar taǵaiyndalatyn bolady. Barlyq tergeý amaldary men saraptamalardyń qorytyndysyna sáikes qylmystyq is boiynsha sheshim qabyldanady», - dedi N.Qojahmetov.
Onyń sózine qaraǵanda, bul bap boiynsha aiypty dep tanylǵan adam 17 jylǵa deiin nemese ómir boiyna bas bostandyǵynan aiyrylady.
