ورالدا جاسٶسپٸرٸم قىزعا زورلىق-زومبىلىق دەرەگٸنە قاتىستى تەرگەۋ جٷرٸپ جاتىر, دەپ حابارلايدى قازاقپارات.
ورال قالالىق پوليتسييا باسقارماسى باستىعىنىڭ تەرگەۋ ٸسٸ جٶنٸندەگٸ ورىنباسارى مٸندەتٸن اتقارۋشى نۇرلان قوجاحمەتوۆ بريفينگٸدە اتاپ ٶتكەندەي, قىزدىڭ اناسىنىڭ ارىزى بويىنشا 8 قازان كٷنٸ قر قك 121-بابى 3-1-بٶلٸگٸنە (سەكسۋالدىق سيپاتتاعى زورلىق-زومبىلىق ەرەكەتتەرٸ) سەيكەس قىلمىستىق ٸس قوزعالدى.
ونىڭ ايتۋىنشا, قىلمىستىق ٸس كەمەلەتكە تولماعان جاسٶسپٸرٸمگە قاتىستى بولعاندىقتان, سونداي-اق قر قىلمىستىق جٷرگٸزۋ كودەكسٸنٸڭ 201-بابىنىڭ تالاپتارىنا سەيكەس باسقا اقپارات جارييا ەتٸلمەيدٸ.
«مۇنداي سيپاتتاعى قىلمىستار دەپارتامەنت باستىعىنىڭ, سونداي-اق مينيسترلٸكتٸڭ ەرەكشە باقىلاۋىندا. قازٸرگٸ كەزدە تەرگەۋ امالدارى جٷرگٸزٸلۋدە. ساراپتامالار تاعايىندالىپ, زەردەلەنەدٸ. سونىڭ ٸشٸندە جاسٶسپٸرٸم قىزعا جەنە كٷدٸكتٸگە قاتىستى سوت-پسيحياترييالىق ساراپتامالار تاعايىندالاتىن بولادى. بارلىق تەرگەۋ امالدارى مەن ساراپتامالاردىڭ قورىتىندىسىنا سەيكەس قىلمىستىق ٸس بويىنشا شەشٸم قابىلدانادى», - دەدٸ ن.قوجاحمەتوۆ.
ونىڭ سٶزٸنە قاراعاندا, بۇل باپ بويىنشا ايىپتى دەپ تانىلعان ادام 17 جىلعا دەيٸن نەمەسە ٶمٸر بويىنا باس بوستاندىعىنان ايىرىلادى.
