Oraldaǵy ainalma jolda jol apaty bolyp, segiz adam qaza tapty. Qaza bolǵandardyń arasynda eki bala bar, - dep habarlaidy Tengrinews.kz tilshisi "Moi GOROD" basylymyna silteme jasap.
Jol apaty 18 shilde saǵat 02.45-te VenOil janarmai beketine qarama-qarsy jerde bolǵan. Oral qalalyq Politsiia basqarmasy jergilikti politsiia bólimi bastyǵynyń orynbasary Konstantin Nepekinniń aitýynsha, Nissan (kólikte tek júrgizýshi bolǵan) men Lada (kólikte bes eresek jáne eki bala bolǵan) kólikteri soqtyǵysqan.
"Nissan júrgizýshisi qarsy qozǵalys jolaǵyna shyǵyp ketip, Lada-men soqtyǵysqan. Oqiǵa ornynda bes adam qaza boldy, úsheýi aýrýhanaǵa tústi", - dedi kapitan Nedopekin.
Keiinirek aýrýhanada Nissan júrgizýshisi, 10 jáne 13 jastaǵy eki bala da qaza bolǵany habarlandy.
Oqiǵa ornynda politseiler jol apatynyń sebebi men mán-jaiyn anyqtap, jumys istep jatyr.
